Во првиот натпревар од четврт-финалето на Лига Европа, фудбалерите на Манчестер Јунајтед утре ќе ја пречекаат Севилја. Сепак, во дресот на англискиот тим ќе го нема Маркус Рашфорд поради повреда на мускулот.
Тој беше заменет во 80. минута на натпреварот против Евертон.
„По дополнителните прегледи беше утврдено дека Рашфорд ќе пропушти уште неколку натпревари, но се очекува да биде подготвен за крајот на сезоната. Отсуството на англискиот репрезентативец од теренот е големо разочарување за нашиот тим, откако Рашфорд постигна 28 гола во сите натпреварувања“, соопштија од Манчестер Јунајтед.
