Интер славеше на гостувањето кај Бенфика (0-2) во првиот натпревар од четвртфиналето на Лигата на шампионите.
Играчот од средниот ред Хенрик Мхитарјан истакна дека „нероаѕурите“ одиграле мудро, но потенцираше дека на Интер му е потребен уште еден одличен меч за да обезбеди пласман во полуфиналето на ЛШ.
„Бевме многу интелигентни, знаеме да ги играме овие натпревари. Дојдовме за да победиме, се боревме силно и си помагавме на секој дел од теренот. Сега ќе уживаме во победата, но знаеме дека ни треба уште една врвна игра за да се пласираме во полуфиналето“, изјави Мхитарјан.
