Англискиот премиерлигаш Челси работи на враќање на Френк Лампард на клупата на првиот тим. Славниот играч за врска на Челси е без работа од 23 јануари кога доби отказ од Евертон поради слаби резултати и сега се споменува како идеално решение за клубот од „Стемфорд Бриџ“, барем до крајот на сезоната.
Тој треба да биде промовиран во привремен менаџер додека раководството преговара со неколку кандидати, Џулијан Нагелсман, Луис Енрике, Маурисио Покетино…
Лампард би можел веднаш да го преземе Челси и планот е да го предводи тимот веќе против Вулверхемптон в сабота.
Поранешниот капитен го презеде Челси во 2019 година по заминувањето на Маурицио Сари, пред да добие отказ во јануари 2021 година.
Лампард синоќа присуствуваше на натпреварот меѓу Челси и Ливерпул на „Стемфорд Бриџ“.
