Поранешниот шпански селектор и тренер на Барселона, Луис Енрике, е еден од главните фаворити за нов менаџер на Челси од следната сезона. По разделбата со Грем Потер, раководството на Челси веднаш отпочна со потрага по ново решение за клупата. Ставот е дека нов менаџер би пристигнал на „Стемфорд бриџ“ на почетокот на летото, а дотогаш тимот ќе го води или Бруно Салтор, кој беше асистент на Потер, или легендата Френк Лампард.
Сепак, од следната сезона Челси планира нов менаџер, а Луис Енрике е една од најголемите желби на клубот. Шпанецот пристигнал во Лондон заедно со својот агент Иван де ла Пења, а во наредните денови ќе се одвиваат разговорите со челниците на Челси.
Покрај Луис Енрике, Челси ќе води разговори и со Џулијан Нагелсман, Маурисио Покетино и со Жозе Мурињо.
