Македонија има водство од 2-0 против Малта, откако во второто полувреме конечно заигравме многу поофанзивно и успеавме да го разбиеме бедемот на гостите. По скромното прво полувреме, очигледно фудбалерите добија критики од селекторот Благоја Милевски на полувремето.
Во 66.минута, една долга топка со глава ја спушти Бојан Миовски, на 15 метри натрча Елиф Елмас и ја катапултираше во голот на Малта.
Само шест минути подоцна, соло акција на Дарко Чурлинов од десната страна, се намести со левата нога и упати прецизен удар во поблискиот агол на голманот Хенри Бонело.
