Јан Рајт и Алан Ширер се солидаризираа со Гери Линекер и нема да бидат присутни на каналите на „Би-Би-Си“, откако британскиот сервис објави дека Линекер нема да го води „Меч оф д деј“ поради неговите контроверзни пораки околу имиграцијата во Велика Британија во кои ги спореди потезите на владата со тие на нацистичка Германија во 1930-тите.
„Сите знаат што ми значи таа емисија, но им кажав на ‘Би-Би-Си’ дека нема да бидам со нив. Солидарност“, напиша Јан Рајт на Твитер.
Легендарниот поранешен напаѓач на Њукасл, Алан Ширер, исто така потврди дека нема да биде дел од програмата.
