Манчестер Јунајтед го победи Бетис со 4-1 на „Олд Трафорд“ и направи голем чекор напред кон следната фаза во Лига Европа. Маркус Рашфорд донесе водство, но Ајозе Перез израмни во 32.минута.
Во вториот дел, Антони даде прекрасен гол за ново водство, а до крајот стрелаа и Бруно Фернандеш и Ваут Вегорст.
Јувентус славеше со 1-0 против Фрајбург. Анхел Ди Марија го донесе триумфот за „старата дама“ со голот во 53.минута. Севилја обезбеди предност од 2-0 против Фенербахче, додека Шахтјор Доњецк и Феенорд ремизираа 1-1.
