Футсал репрезентацијата на Македонија вечерва (19 часот) во СЦ „Јане Сандански“ во Скопје ќе ја пречека Шведска во последниот меч од квалификациите за СП. Желбата на избраниците на Васко Скендеровски е да го заокружат циклусот со триумф, иако тоа нема да биде лесна задача против селекцијата која на првиот дуел славеше со 5-2.
Сепак, добрата игра од мечот со Италија на домашен терен е мотив за македонските репрезентативци дека ќе можат да одиграат квалитетно и против Швеѓаните.
