Ѕвездата на Лајпциг, Кристофер Нкунку, ќе паузира околу две недели поради новата повреда на бутниот мускул. 25-годишниот Французин се здоби со повреда на натпреварот против Борусија Дортмунд во петокот.
Тоа беше првиот натпревар кој го започна по долго опоравување од повредата на коленото.
Новата повреда значи дека тој најверојатно ќе го пропушти реваншот од осминафиналето во Лигата на шампионите против Манчестер Сити на 14 март.
Лајпциг соопшти дека повредата на Нкунку не е многу сериозна, но секако ќе бидат потребни две седмици за опоравување.
