Македонскиот прволигаш Шкендија ќе се обиде да доведе уште едно капитално засилување во овој зимски преоден рок. Раководството на клубот прави напори да го врати Енур Тотре во тетовскиот клуб. Тој е член на украинскиот клуб Ворскла Полтава, од каде пред неколку дена замина и Ѓоко Зајков, кој се пресели во романската Универзитатеа Крајова.
Тотре треба да биде пријатно изненадување за фановите на Шкендија оваа зима. Тој беше нивен миленик во периодот додека го носеше дресот на клубот.
Шкендија во овој преоден рок го доведе Методи Максимов од Работнички, како и Камер Ќака, Мустафа Мујезиновиќ и Наско Милев.
