Македонскиот прволигаш Академија Пандев денеска ги стартуваше подготовките за вториот дел од сезоната. Тренерот Александар Васоски го направи планот за работа, во Струмица ќе се тренира до 21. јануари кога тимот ќе замине за Анталија.
Досега „пандевци“ доведоа четири засилувања, голманот Бурхан Мустафа, десниот бек Георге Јанкулов, дефанзивецот Агрон Руфати и играчот за врска Марио Врдољак. Има најави дека ќе пристигнат уште неколку засилувања до заминувањето на подготовки во Турција.
Главната цел на Академија Пандев ќе биде да обезбеди опстанок во Првата лига, откако потфрли резултатски во првиот дел од сезоната.
