Португалскиот стратег Жозе Мурињо нема намера да се пресели во селекторски води. Тој имаше понуда да го преземе кормилото на својата држава Португалија и ја одби, а исто така се заблагодари и на Бразилците кои сакаа да го видат како предводник на националниот тим.
Поранешниот играч на Мурињо од периодот во Порто, Карлос Алберто, објави дека Португалецот му понудил да биде негов асистент доколку биде селектор на Бразил, но тој сепак одлучил да остане тренер на Рома.
Бразилците се разделија со Тите откако не успеаја да го освојат трофејот на Светското првенство во Катар.
