Вирџил ван Дајк беше повлечен од игра како мерка на внимателност, но се чини дека станува збор за сериозна повреда. Холанѓанецот беше заменет на полувремето од мечот со Брентфорд, а Јирген Клоп по мечот изјави дека тоа го направил од претпазливост. Сепак, прегледите потврдија дека повредата е од посериозна природа.
Станува збор за бутниот мускул, Ван Дајк ќе биде подложен на нови тестови во наредните денови, но очигледно ќе има пауза, можеби и од неколку недели.
Ова не е добра вест за Ливерпул чија одбрана делува доста критично оваа сезона, а допрва следи пеколен период.
Не треба да заборавиме дека Ливерпул има тешка задача во Лигата на шампионите, за месец и половина, на 21 февруари, во првиот осминафинален натпревар го пречекува Реал Мадрид.
Дотогаш Ливерпул игра со Вулверхемптон во ФА Купот, а во Премиер – лигата против Брајтон, Челси, повторно Волвс, Евертон и против Њукасл.
Во отсуство на Вирџил ван Дајк, до израз ќе дојдат Ибрахима Конате и Жоел Матип, кои ќе мора добро да се претстават за да го надополнат отсуството на холандскиот стопер.
