Селекторот на јапонската фудбалска репрезентација Хаџиме Моријасу ќе остане на функцијата до следното Светско првенство во 2026 година, соопшти фудбалската федерација на оваа земја.
„Сините самураи“ имаа одличен турнир на првенството во Катар, каде ги победија Германија и Шпанија. Се пласираа во осминафиналето каде ги запре Хрватска по изведување пенали.
Со продолжениот договор Моријасу станува првиот селектор во оваа земја кој ја предводи својата репрезентација на две последовни светски првенства.
Другата цел што му ја постави федерацијата е да го освои Азискиот куп следната година.
