Во Аргентина започна претпродажбата на новиот дрес на фудбалската репрезентација со три ѕвезди, наменет за трикратните светски шампиони, а од компанијата „Адидас“ наведуваат дека целиот контингент од првата фаза е распродаден.
„Во оваа почетна фаза е распродадена првата серија на достапни дресови“, се додава во соопштението на „Адидас“, кој е снабдувач со опрема на новите светски шампиони.
„Адидас“ соопшти дека залихите ќе се надополнат во наредните недели, со зголемувања во текот на јануари и февруари.
По неколку часа не можеше да се регистрира и порача дресот преку интернет, а аргентинските навивачи се обидоа да го набават новиот дрес и во продавниците.
