Менаџерот Микел Артета се надева дека неговиот Арсенал може да продолжи да игра на ист начин како пред паузата на Светското првенство во 2022. Шпанскиот стратег се надева на квалитетен настап против Вест Хем. „Топчиите“ имаат пет бода предност на врвот на табелата пред шампионот Манчестер Сити.
„Мораме да го направиме тоа на теренот. Разговаравме многу околу тоа и знаеме колку е важно да започнеме силно после паузата. Боксинг Деј е многу посебен ден во историјата на Премиер – лигата, тоа е многу посебна семејна прослава за фудбалот, атмосферата е секогаш неверојатна и сакаме максимално да ја искористиме. На моменти покажувавме вистинска зрелост, особено против големите ривали. Мораме да играме подобро на секој натпревар, да продолжиме да растеме индивидуално и тимски. Сакаме да продолжиме заслужено да ги добиваме натпреварите“, објасни Артета.
„Чеканите“ се наоѓаат на 16. позиција на табелата во Премиер – лигата.
