Ди Марија ќе продолжи да игра за Аргентина како светски шампион

Играчот од средниот ред на ПСЖ и на Аргентина, Анхел Ди Марија, нема намера да ја заврши кариерата во националниот тим по освојувањето на Светското првенство во фудбал. Претходно аргентинскиот репрезентативец изјави дека Мундијалот во Катар ќе биде неговиот последен турнир со националниот дрес.

Сепак, и тој како и Лионел Меси, има намера да продолжи да игра за Аргентина како светски шампион.

Вкупно за националниот тим одигра 129 натпревари, постигна 28 гола и забележа 27 асистенции.