Освојувањето на Светското првенство е врв на фудбалската кариера. За време на церемонијата секој фудбалер сака да биде со своите најблиски. И додека повеќето Аргентинци ги славеа освоените медали со своите сопруги и деца, тоа не беше случај со Родриго де Пол.
Тој веќе некое време е во љубовен триаголник, а на крајот ниту неговата сегашна партнерка, ниту неговата поранешна девојка не биле во Катар.
Врската меѓу Де Пол и неговата поранешна девојка Камила Хомс е толку затегната што бившата партнерка не им дозволила на нивните деца Франческа и Баутиста да отпатуваат на доделувањето на медалите.
Фудбалерот на Атлетико побарал таа да ги пушти децата да патуваат во Катар, но во придружба на дадилка. Мајката одбила затоа што за неа сè било понижувачко.
Преку адвокатот и било соопштено дека може да патува на финалето, под услов два дена да помине во хотел и да нема право да доаѓа на стадионот.
Токму поради оваа причина Камила на социјалните мрежи објави дека нема што да каже и покажа „среден прст“ што јасно се однесува на новиот светски шампион.
Неговата сегашна девојка исто така не била во Катар. Пејачката Мартина Тини Стесел имаше работни обврски, па не можеше да присуствува на најважниот настан во кариерата на својот партнер. Срдечната прегратка дојде дури по враќањето на играчот од средниот ред во Аргентина.
И додека сите други Аргентинци славеа со семејствата и децата, Де Пол на крајот најде утеха во друштвото на својот брат и неговата нова девојка.
