Англискиот премиерлигаш Челси доведе нов Бразилец на „Стемфорд бриџ“. „Сините“ беа меѓу фаворитите за доведување на Ендрик, но бразилската суперѕвезда сепак го избра Реал Мадрид.
Скаутите на Челси „останаа“ во Бразил – и според англиските и бразилските медиуми, тие завршиле успешна работа. 18-годишниот Андреј Сантос и Васко де Гама се договорија со Челси околу трансферот на младиот играч за врска во Лондон.
Тинејџерот беше одличен во својата прва вистинска професионална сезона во Васко де Гама. Тој забележа 36 настапи со осум постигнати гола, го посакуваа богатите Манчестер Сити и Њукасл, но Челси беше поконкретен.
