Македонскиот прволигаш Шкендија заостана значително во однос на лидерот Струга Трим Лум, па во однос на второпласираниот Шкупи, по првиот дел од шампионатот на Македонија, но се надева дека сето ова ќе успее да го надомести во вториот дел од сезоната. Токму затоа раководството на Шкендија планира да се засили со неколку нови фудбалери во зимскиот преоден рок.
Блиску до трансфер во Шкендија е левиот бек на Брегалница, Себастијан Херера. Тој треба оваа зима да се пресели во Тетово и да биде ново засилување за составот на Ќатип Османи.
Шкендија го посакува и Методи Максимов од Работнички, а во Тетово сигурно ќе пристигнат и неколку странски засилувања.
