Тотенхем доби непријатен удар пред враќањето на првенствените активности во Премиер – лигата, бидејќи бразилскиот напаѓач Ришарлисон ќе биде надвор од теренот еден месец поради повреда на тетивата. Тој заработи повреда во четвртфиналето против Хрватска на СП во Катар, а „кариоките“ беа елиминирани на пенали.
Ришарлисон се повредил за време на загревањето пред натпреварот, но продолжи да игра 84 минути.
Со повредата на Ришарлисон, сега Тотенхем уште повеќе ќе треба да се потпира на Хари Кејн, откако капитенот на Англија ќе го надмине промашувањето на пеналот против Франција и ќе се врати од еднонеделен одмор.
