Јапонската фудбалска репрезентација на аеродромот во Нарита беше пречекана од огромен број навивачи, воодушевени по натпреварите на Светското првенство во Катар.
„Самураит“ и селекторот Хаџиме Моријасу беа пречекани и од премиерот Фумио Кишида.
Јапонците беа едно од најпријатните изненадувања на планетарниот шампионат. Тие стигнаа до осминафиналето каде по пенали беа елиминирани од Хрватска.
Направија големи сензации со триумфите над Германија и над Шпанија. Дури и поведоа со 1-0 против Хрватска, но Иван Перишиќ со гол за 1-1 ја спаси Хрватска од пораз.
И покрај испаѓањето, тие се гордоста на јапонската нација, што се виде и од пречекот на нивните сограѓани на аеродромот.
