Најтрофејниот македонски клуб Вардар денеска (13 часот) го пречекува Кожуф на стадионот „Борис Трајковски“ во Маџари во премиерниот меч од последното есенско коло во Втората лига. Како најава, имаше преписка меѓу клубот и Комитите зошто мечот се игра во петок, во несоодветен термин, но тоа бил и единствениот возможен начин да се добие стадион во Скопје овој викенд.
Вардар има јасна цел, да освои три бода и да се искачи на врвот, во пресрет на утрешните натпревари, кога лидерот Гостивар го пречекува Караорман и претендира да биде есенски првак.
