На тренинг кај лидерот во Втората лига (ФОТОГАЛЕРИЈА)

Едно коло до крајот на есента, Гостивар го има најдоброто време на минување во Втората лига. Го искористи ремито на Вардар во Битола против Пелистер во дербито и повторно го презеде врвот.

Гостиварци очекуваат да ја грабнат есенската титула, со оглед дека в сабота на домашен терен го пречекуваат Караорман.

„Го респектираме секој противник. Караорман е квалитетен тим. Но, ние играме дома и посакуваме три бода. Мора да бидеме внимателни, но, ќе дадеме максимум за да оствариме триумф и да му подариме есенска титула на градот Гостивар и на сите во клубот“, вели капитенот Муарем Муарем.