Францускиот претседател Емануел Макрон предвиде дека светскиот првак ќе ја победи Полска со 3-1 во осминафиналето на Светското првенство во Катар.
„Мислам дека ќе победиме со 3-1. Левандовски ќе постигне гол, како и Мбапе или можеби Жиру, кој сака да испише историја“, рече Макрон.
Макрон додаде дека Французите имаат „многу силен и цврст тим“, а третиот гол на Франција, според неговите прогнози, ќе биде постигнат од „џокер“ од клупата.
Францускиот претседател изјави дека по секој натпревар на репрезентацијата во Катар има телефонски разговор со селекторот Дидие Дешамп, за кого вели дека го цени многу поради неговото искуство и знаење.
