Фудбалерот на Манчестер Јунајтед, Кристијано Роналдо изјави дека ќе стави крај на професионалната кариера доколку со Португалија го освои Светското првенство во Катар.
Во неодамнешното интервју за Пирс Морган, Роналдо изјави дека неговиот тим има шанса во Катар и верува дека може многу да придонесе во претстојните натпревари.
„Јас сум многу оптимист. Имаме фантастичен селектор и добра генерација играчи. Со нетрпение очекувам да бидам дел од фантастично Светско првенство. Нема да биде воопшто лесно, но се е можно. Секако дека ќе се натпреваруваме”.
На прашањето дали ќе се пензионира доколку Португалија го освои турнирот, Роналдо одговори:
„Да, би се пензионирал, 100 отсто“, изјави Роналдо.
