Францускиот дефанзивец Рафаел Варан се опорави од повредата и ќе биде подготвен за Светското првенство во Катар, пренесува „Л’Екип“.
Стоперот на Манчестер Јунајтед заработи повреда на бутниот мускул на 22 октомври на мечот против Челси кога во солзи ја напушти играта, па неговиот настап на Светското првенство беше под сериозен сомнеж.
За среќа на Французите, се покажа дека не се работи за сериозна повреда и дека ќе се врати на теренот побрзо од очекуваното, па селекторот на „триколорите“ Дидие Дешамп може да здивне.
Варан почна да работи на лентата за трчање, а наскоро се очекува негово враќање на тренинзите.
29-годишниот фудбалер ги пропушти последните четири натпревари на Манчестер Јунајтед против Шериф, Вест Хем, Реал Сосиедад и против Астон Вила.
