Тренерот на Интер, Симоне Инзаги изјави дека целта на тимот е да се пласира во четвртфиналето на Лигата на шампионите. Гигантот од Милано ќе се сретне со Порто во осминафиналето.
„Втора година по ред играме во осминафиналето. Го респектираме Порто, долги години им оди многу добро во Лигата на шампионите. Одлично го познавам главниот тренер Серџо Консеисао. Тој беше во мојот тим, се дружевме во Лацио многу години. Нашата цел е да одиме понатаму и да го оствариме сонот на нашите навивачи. Помина долго време откако не сме биле во четвртфиналето на Лигата на шампионите. Нема да биде лесно и ќе мора да работиме напорно. Ќе бидат тоа два одлични натпревари и ќе бидеме подготвени за нив“, изјави Инзаги.
Натпреварите се закажани за 22 февруари и 14 март, а во првиот меч Интер ќе биде домаќин.
