Јувентус едвај успеа да го победи Лече на гости со 0-1. Стрелец беше младиот Николо Фаџоли, но маките на „старата дама“ не завршуваат.
Јувентус има големи проблеми со повредите. Половина тим е во аут и сега им се приклучи и Вестон Меккени.
Меккени го повреди бутниот мускул и нема да игра за „бјанконерите“ на следните три натпревари – против ПСЖ во Лигата на шампионите, и против Интер и Верона во Серија А.
Дури осум првотимци на „бјанконерите“ се надвор од теренот и Алегри не може да смета на нив.
