Лорис Кариус е многу блиску до потпис за Њукасл. Со оглед на тоа дека е слободен играч, 29-годишниот голман може да потпише договор и надвор од преодниот рок. Тој треба да ги мине лекарските прегледи и ќе потпише краткорочен договор со англискиот премиерлигаш.
Од минатата година Њукасл е во сопственост на саудиски инвестициски фонд кој располага со 320 милијарди фунти, што значи дека е најбогатиот клуб во светот. Кариус треба да биде замена за првиот голман Ник Поуп, бидејќи се повреди досегашниот втор голман Карл Дарлоу.
Кариус е запаметен по финалето на Лигата на шампионите во 2018 година. Германецот потоа направи две големи грешки и му подари голови на Реал Мадрид, кој на крајот го освои трофејот.
Ливерпул потоа го доведе Алисон Бекер и го испрати Кариус на позајмица во Бешикташ и Унион Берлин. Од јуни тој е слободен играч.
