Фудбалскиот клуб Милан и Оливие Жиру започнаа преговори за нов договор. Францускиот репрезентативец минатата сезона дојде на „Сан Сиро“ од Челси, во трансфер вреден околу еден милион евра.
Многумина очекуваа дека тој ќе ја игра улогата на џокер во тимот, а по потреба ќе влегува во игра. Сепак, францускиот напаѓач ги надмина сите очекувања.
Во својата прва сезона во дресот на „росонерите“, Жиру постигна 11 гола, со што значително придонесе италијанскиот клуб да ја освои шампионската титула.
Раководството на Милан е повеќе од задоволно од дебитантската сезона на искусниот напаѓач и одлучи да започне преговори со него околу нов договор.
