Дефанзивецот Франческо Ачерби може да го пропушти остатокот од календарската година со италијанскиот клуб Интер, откако доби повреда на бутниот мускул при поразот со 0-1 од англискиот Ливерпул во натпревар од Лигата на шампионите.
Ачерби беше заменет во 31. минута, а клубот потврди за повредата.
„Франческо Ачерби утринава помина лекарски прегледи и беше потврдено дека има истегнат мускул на десниот бут“, соопшти Интер.
Со повреда е и Хакан Чалханоглу, кој исто така беше принудно заменет и нема да игра против Џенова в недела.
