Шпанските медиуми од синоќа бомбастично пишуваат дека е прекината врската меѓу Жерар Пике и Шакира. Неколку медиуми додаваат дека причина за раскинувањето е тоа што колумбиската пејачка пред извесно време го фатила Пике со друга жена.
Една од најпознатите двојки ја започна својата љубов во 2010 година кога се запознаа на Светското првенство во Јужна Африка, за кое Шакира сними и официјална песна.
Тие никогаш не ја официјализираа врската со брак, а имаат две деца.
Пике аводно веќе неколку недели живее во „момчешки“ стан во Барселона, каде според неговите соседи организира забави кои траат до 3 часот по полноќ.
Шпанските весници наведуваат дека друштво му прави неговиот млад соиграч од Барселона, Рики Пуиг.
Пред овој скандал Пике и неговата компанија беа во центарот на аферата кога беше одлучено натпреварувањето од шпанскиот Суперкуп да се пресели во Саудиска Арабија и воедно да се промени форматот на натпреварувањето.
Тешки денови за Пике, особено надвор од теренот.
