Реал Мадрид на секој начин се обидува да го надомести „предавството“ на Килијан Мбапе, кој реши да остане во Пари Сен Жермен. „Билд“ денеска пишува дека Баерн Минхен е во неволја, бидејќи Реал Мадрид ќе се обиде да го преземе Садио Мане.
Сенегалецот сака да си замине од Ливерпул, чувствува дека не е доволно ценет во клубот, слично се чувствува и Мо Салах, а Мане долго време е во преговори со Баерн.
Сепак, сега во трката се вклучи и Реал Мадрид, кој ќе се обиде да го расипе договорот со баварскиот клуб. Наводно, Мане ја претпочита идејата да замине во Баерн, бидејќи таму би бил прва ѕвезда, но можеби Флорентино Перез повторно ќе направи некоја магија.
Мане е достапен за само 40 милиони евра, откако влегува во последната година од договорот, а тоа се подготвени да го платат и Баерн Минхен и Реал Мадрид. Сега прашање е што ќе одлучи Мане и кој проект повеќе го респектира.
Џулијан Нагелсман и Хасан Салихамиџиќ неколку пати го контактирале Садио Мане и јасно му ставиле до знаење дека сакаат да изградат нов проект околу него, но од друга страна и во Реал тој ќе има загарантирано место на десната страна.
Со Рудигер, Чуамени и Мане, Реал Мадрид буквално би составил дрим-тим за следната сезона.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski