Фудбалерот на Манчестер Сити, Фил Фоден, е прогласен за најдобар млад играч во Премиер – лигата за сезоната 2021/22. Оваа награда Фоден ја дoбива втора година по ред.
„Многу сум горд што ја добивам оваа награда втора година по ред. Задоволен сум од моите настапи оваа сезона и беше одлично што на тој начин придонесов за добрите резултати на тимот. Навистина е голема чест да се освои оваа награда во толку силна конкуренција“, изјави Фоден за веб-страницата на Манчестер Сити.
Фоден оваа сезона постигна девет гола и додаде уште пет асистенции на 27 одиграни натпревари, а Сити е блиску до освојување на шампионската титула во првенството.
Во конкуренција за наградата, заедно со Фоден оваа сезона беа Трент Александар-Арнолд, Конор Галагер, Тајрик Мичел, Мејсон Маунт, Арон Рамсдејл, Деклан Рајс и Бакајо Сака.
