Македонскиот репрезентативец Ердон Даци со тимот на Вестерло синоќа и официјално го прослави шампионскиот пехар во Втората лига на Белгија. Неговиот тим доминантно го освои првото место оваа сезона и од следната ќе се натпреварува во елитата. Атмосферата на трибините беше одлична, а се вееја и македонски знамиња.
Даци учествуваше со десет гола во освојувањето на пехарот и сериозно се наметна и во Белгија, но и за место во репрезентацијата на Македонија. Неодамна доби повик од селекторот Благоја Милевски за бараж натпреварите со Италија и со Португалија.
