Шпанскиот гигант Реал Мадрид ја следи ситуацијата со Нголо Канте и сака да го доведе на лето на „Сантијаго Бернабеу“, пренесуваат шпанските медиуми. Карло Анчелоти е во потрага по играч кој ќе може да биде алтернатива за Кашемиро и смета дека Канте перфектно би се вклопил во неговиот стил на игра.
Канте на лето ќе влезе во последната година од договорот и би можел да го напушти Челси, бидејќи нема најава за продолжување на соработката, а клубот е и под „санкции“ за нови договори со фудбалерите.
„Кралевите“ веќе стапиле во контакт со агентот на Нголо Канте и на лето ќе испратат понуда за Французинот.
