Бразилската легенда Кака изјави дека мундијалот во Катар загуби многу со неучеството на европскиот првак Италија. „Аѕурите“ не успеаја да се пласираат на СП, откако претрпеа шокантен пораз (0-1) на домашен терен во Палермо од Македонија во полуфиналната бараж пресметка.
„Жал ми е што Италија е надвор од турнирот. Светското првенство без Италија нема да е исто, но ова е аларм за италијанскиот фудбал“, изјави освојувачот на Златната топка од 2007 година за „РАИ“.
Кака играше во Милан меѓу 2003 и 2009 година, како и во сезоната 2013/14.
