Покрај преседанот Светското првенство да не се игра во летните месеци, најавен е уште еден за мундијалот во Катар. По објавувањето на распоредот на натпреварувањето, кое започнува на 21 ноември годинава, јасни е дека шампионатот нема да го отворат ниту бранителот на титулата, ниту домаќинот, кој во првото коло од групата А игра против Еквадор.
Мундијалот ќе го отворат преостанатите две репрезентации од таа група – Сенегал и Холандија, а натпреварот ќе започне во 13 часот на стадионот „Ал Тумама“.
На 21 ноември ќе играат и Катар и Еквадор, но со почеток во 19 часот. Домаќините си одбраа вечерен термин за првиот настап.
