Србија и Швајцарија повторно се во иста група за Светското првенство, а тоа веднаш ги возбуди страстите, посебно за прославата на головите на Џердан Шаќири и на Гранит Џака на мундијалот во Русија.
Сепак, овојпат тие ќе добијат „забрана“ за таква прослава која Србите ја сметаат за провокација.
„Ние како федерација имаме одлични односи со Фудбалската федерација на Србија и нема да ги нарушиме. Не сакам никаква полемика околу оваа средба, знаеме што се случи пред четири години во Русија, но овојпат ќе биде поинаку, јас ви гарантирам. Нема да има никакви провокации. Овојпат ќе биде фудбалски меч во кој сите ќе уживаат“, изјави првиот човек на швајцарскиот фудбал, Доминик Блан.
