Полскиот интернационалец Роберт Левандовски ќе го напушти Баерн Минхен ова лето, ако клубот не му понуди нов договор. Агентот на Роберт Левандовски, Пини Захави, е во постојан контакт со Барселона и Пари Сен Жермен. Оваа вест денеска ја потврди и „Билд“, кој потсетува дека преговорите меѓу Левандовски и Баерн Минхен се уште се во мирување.
Полјакот сака наскоро да знае дали ќе добие нов договор, а доколку тоа не се случи, ќе побара да си замине ова лето.
Барселона и ПСЖ сакаат да го доведат затоа што им е потребна смртоносна „деветка“.
ПСЖ ќе остане без Килијан Мбапе и му треба замена за Французинот, некој што ќе се вклопи со Меси и со Нејмар.
И Барселона сака „деветка“, ќе го продаде Мемфис Депај, најверојатно во Наполи, а Левандовски е алтернатива за Халанд.
