По репрезентативната пауза, шампионатите продолжуваат нa Стариот континент.
Викендов дефинитивно ќе имаме многу возбудувања, бидејќи влегуваме во самиот финиш на сезоната во најсилните европски лиги. Во Италија се води жестока борба за скудетото, а во игра за шампионската титула се Милан, Наполи, Интер и Јувентус.
По 30 одиграни кола, Милан е лидер со 66 бодови, па дефинитивно „росонерите“ сакаат да ја продолжат серијата од три последовни победи. Својот натпревар од 31.коло оваа екипа ќе го одигра в понеделник кога на „Сан Сиро“ ќе ја пречека Болоња.
Челниците на Милан решија за овој меч на навивачите да им ја подари четвртата гарнитура на дресови за оваа сезона, а токму во неа Леао и компанија ќе го одиграат својот меч против Болоња.
Милан на официјалната веб-страница претстави и нови дресови кои имаат многу интересен дизајн. Дресот е комбинација од препознатливиот прв комплет црвено-црни и бели дресови, кој ги претставува гостинските дресови за оваа сезона.
„Пума“ реши да ги спои тие два комплети дресови, а дизајнот е многу интересен.
