Естонски Номе Калју е заборавен за фудбалерите на Шкендија кои денеска од 17:55 часот на националната арена „Тодор Проевски“ во Скопје ги очекува првиот натпревар од 2. квалификациско коло во Лига Европа против Дуделанж.
Во тимот на Ќатип Османи цврсто се решени да го поправат впечатокот од двата дуел со Естонците и преку Дуделанж да изборат пласман во следната рунда натпревари од квалификациите во Лига Европа.
„По елиминацијата во ЛШ прво што требаше да се направи беше да ја вратиме атмосферата. Анализиравме, најголемата грешка беше во нас. Мислам дека сега сме подготвени за новиот предизвик. Ќе има промени во составот, но пред се и во пристапот на играта. Сега мечот сигурно ќе го стартува новото засилување, Бразилецот Хуан Фелипе“ – вели Османи, притоа осврнувајќи се на противникот.
„Дуделанж има малку поинаква филозофија, сака да игра повеќе фудбал. Номе калју играше само дефанзива, очекувам Дуделанж да биде поактивна екипа и секако тоа е можност за поатрактивен фудбал“.
Доколку го елиминираат Дуделанж, фудбалерите на Шкендија ќе имаат одлична можност за ’одмазда’. Многу изгледно е дека повторно би играле со Номе Калју, во третото квалификациско коло од Лига Европа. Естонскиот тим е аутсајдер во двомечот со шкотскиот првак Селтик. Сепак, прво треба да се елиминира Дуделанж.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski