Селекторот на австриската фудбалска репрезентација Франко Фода соопшти дека ќе ја напушти таа функција по пријателскиот натпревар со Шкотска во вторник, бидејќи не успеа да ја однесе селекцијата на Светското првенство во Катар.
Фода на денешната прес-конференција ненадејно го најави своето неизбежно заминување, велејќи дека е вистинското време бидејќи „големиот сон не се остварил“.
Австриските фудбалери загубија од Велс со 2-1 во четвртокот, во полуфиналето од баражот за Светското првенство.
„Многу размислував во претходните денови и ја преземам целосната одговорност за тоа што не се пласиравме на Светското првенство. Мојата работа како селектор завршува по натпреварот со Шкотска“, изјави 55-годишниот Фода.
Фода на клупата на Австрија седна на крајот на 2017 година, а со селекцијата лани учествуваше на Европското првенство.
