Милан и Интер се во жестока трка за „скудетото“, но и за Елиф Елмас. Откако „росонерите“ покажаа интерес за одличниот македонски репрезентативец кој е член на Наполи, сега и „нероаѕурите“ сериозно влегуваат во трката за негов ангажман во летниот преоден рок.
Италијанскиот репрезентативец Николо Барела е желба на Реал Мадрид и претстојното лето би можел да се пресели на „Сантијаго Бернабеу“, а раководството на Интер смета дека токму Елмас би бил одлична замена за него во тимот на Интер.
Наполи нема лесно да се откаже од Елиф Елмас. Италијанските медиуми откриваат дека претседателот Аурелио де Лаурентис ќе бара отштета од најмалку 35 милиони евра.
