Шпанскиот напаѓач Микел Ојарзабал долго време ќе биде надвор од терените, а во опасност е да го пропушти и Светското првенство оваа зима во Катар. Тој се здоби со сериозна повреда на на тренинг откако ги скина лигаментите на коленото, соопшти клубот Реал Сосиедад.
Ојарзабал ќе мора да прави операција на коленото, а рехабилитацијата ќе трае меѓу 6 и 9 месеци. Ова значи дека голгетерот или ќе го пропушти Светското првенство или едноставно нема да биде во топ форма. Светското првенство во Катар годинава ќе се одржи во ноември и декември поради високите летни температури.
„Микел Ојарсабал вчера на тренингот на тимот ги скина вкрстените лигаменти на левото колено. На направените тестови јасно е воочливо кинење на предниот вкрстен лигамент. Тој ќе биде опериран во наредниот период“, се вели во официјалното соопштение на клубот од Сан Себастијан.
24-годишниот фудбалер е еден од најдобрите играчи во Ла Лига оваа сезона. Тој за баскискиот клуб постигна 15 гола на 33 натпревари во сите натпреварувања.
