Прекинато првенството на Украина, како ќе се врати Ѓоко Зајков?

Украинската Премиер лига е суспендирана најмалку еден месец откако Русија започна целосна инвазија на оваа земја. Лигата ја потврди веста преку својата официјална веб-страница по воведувањето на воена состојба од страна на украинскиот претседател Володимир Зеленски.

По зимската пауза, првенството требаше да се рестартира утре, со првото пролетно коло. Во Украина остана македонскиот репрезентативец Ѓоко Зајков кој е член на Ворскла. Тој пред неколку дена изјави дека донел одлука да остане во Украина и покрај затегната политичка ситуација.

Засега остануваат сомнежи и за плејофот меѓу Шкотска и Украина за СП во Катар, кој е закажан за 24 март во Глазгов.