Реал Мадрид ја оствари 17. победа во Ла Лига оваа сезона откако го совлада Алавес со 3-0 на „Сантијаго Бернабеу“. Тимот на Карло Анчелоти имаше проблеми да го разбие ривалот во првото полувреме, но тоа сепак им успеа на „кралевите“ во вториот дел.
Марко Асенсио во 63.минута го отвори резултатот, а Винисиус Жуниор во 80.минута го потврди триумфот. Во последните мигови Карим Бензема погоди од пенал за убедливи 3-0.
Сега Реал Мадрид има седум бода предност во однос на Севилја на врвот на табелата во Ла Лига. Севилја утре му гостува на Еспањол.
