Реал Мадрид продолжува да биде заинтересиран за дефанзивецот на Челси, Антонио Рудигер. Германскиот репрезентативец во оваа фаза не го продолжи договорот и доколку не го направи тоа и во наредните месеци, на лето ќе стане слободен агент.
Раководството на „кралскиот клуб“ на Рудигер веќе му понудило петгодишен договор и плата од 11 милиони евра по сезона. 28-годишниот дефанзивец неодамна го прекина молкот на оваа тема, велејќи дека сака да остане на „Стемфорд Бриџ“, но само доколку Челси ги прифати неговите услови.
Германецот може да се врати и во Бундес – лигата. Тој е меѓу имињата за кои се разговара при летната селекција на Баерн Минхен. Баварците бараат замена за Никлас Суле, кој ќе се пресели во Борусија Дортмунд.
Оваа сезона, Рудигер има 34 натпревари во сите натпреварувања, постигнувајќи и три гола. Тој е во Челси од 2017 година.
