Италијанскиот калчолигаш Аталанта добива нови сопственици. До крајот на овој месец Инвестициски фонд од САД за 350 милиони евра треба да го купи клубот од семејството Перкаси.
Семејството Перкаси ја презеде Аталанта во 2010 година кога клубот беше второлигаш и го издигна до еден од најдобрите во Италија, редовен учесник во Лигата на шампионите, со тим кој игра атрактивен фудбал, предводен од тренерот Џанпјеро Гасперини.
Американскиот инвестициски фонд за 350 милиони евра ќе купи 85 отсто од акциите, а останатите и понатаму ќе останат на семејството Перкаси.
